Postuar më: 20 Prill 2021

BE siguron vaksinat për Shqipërinë/ Xhaçka: Miqtë e mirë duken në raste nevoje

Ministrja për Evropën dhe Punët e Jashtme, Olta Xhaçka, i shprehu mirënjohjen Komisionit Evropian dhe Austrisë për sigurimin e rreth 651 mijë vaksinave për rajonin e Ballkanit Perëndimor.

"Mirënjohëse ndaj Komisionit Evropian dhe Austrisë për sigurimin e vaksinave për grupet më të rrezikuara në rajonin e Ballkanit Perëndimor. Miqtë e mirë në raste nevoje, janë me të vërtetë miq të mirë", shkruan ministrja në rrjetet sociale.

Rreth 145.000 doza vaksinash të financuara nga BE do të mbërrijnë në Shqipëri, duke nisur nga maji e deri në fund të gushtit.