Bisedë telefonike me homologen bullgare/ Ministrja Xhaçka: Bullgaria mbështet anëtarësimin e Shqipërisë në BE

Ministrja për Evropën dhe Punët e Jashtme, Olta Xhaçka, ka zhvilluar një bisedë telefonike me Zëvendëskryeministren dhe Ministren e Jashtme të Bullgarisë, Ekaterina Zaharieva.

Ministrja Xhaçka vlerësoi mbështetjen që Bullgaria ka treguar për anëtarësimin e Shqipërisë dhe gjithë Ballkanit Perëndimor në Bashkimin Evropian.

Kryediplomatja Xhaçka u shpreh se Shqipëria dhe Bullgaria kanë akoma sfida të rëndësishme përpara, dhe se e vetmja mënyrë për t'i dalë për zot atyre është bashkëpunimi mes dy vendeve.