|
APLIKIM PËR HEQJE DORË NGA SHTETËSIA
|
|
PËRSHKRIMI
|
NJË PERSON MUND TË HEQË DORË NGA SHTETËSIA SHQIPTARE KUR NUK MBETET PA SHTETËSI SI REZULTAT I HEQJES DORË NGA SHTETËSIA SHQIPTARE OSE ËSHTË REZIDENT NË NJË SHTET TË HUAJ DHE KA SIGURUAR PREMTIMIN E SHTETËSISË TJETËR OSE E KA FITUAR TASHMË ATË
|
|
DOKUMENTACIONI
|
NGA KONSULLI
|
NGA APLIKANTI
|
|
|
- Certifikata e lindjes ose personale e aplikuesit
- Certifikata familjare e aplikuesit
- Vërtetim i Gjendjes Gjyqësore lëshuar nga organet kompetente Shqiptare (Dëshmia e penalitetit)
|
- Kërkesa individuale e shtetasit shqiptar drejtuar Presidentit të Republikës së Shqipërisë (SHKARKO KËTU)
- Premtimi nga autoriteti kompetent i shtetësisë tjetër ose dokument shtetësie origjinal, marrë në vendin përkatës (e legalizuar ose e apostiluar) ose në rast se ka fituar shtetësi tjetër kopje të njehsuar të mjetit të idetitetit që e vërteton atë
- Likuiditeti financiar që nuk ka detyrime ligjore ndaj institucioneve publike, personave fizikë dhe juridikë –Qytetari aplikon online nga llogaria e tij për këtë shërbim: https://e-albania.al/eAlbaniaServices/UseService.aspx?service_code=12573
- Vërtetim nga Gjykata e Shkallës së Parë të Juridiksionit të Përgjithshëm
- Vërtetim nga Prokuroria pranë Gjykatës së Shkallës së Parë të Juridiksionit të Përgjithshëm
- Vërtetim nga Zyra e Përmbarimit nëse ka likuiduar të gjithë detyrimet financiare për bashkëshortin/bashkëshorten/fëmijën apo personat nën kujdestari
- Deklarata noteriale e të dy prindërve, ku të shprehet pëlqimi i tyre për heqjen dorë nga shtetësia shqiptare e fëmijëve të tyre të moshës së mitur
- Dokumenti që vërteton rezidenën, vendbanimin në shtetin premtues të shtetësisë tjetër (e legalizuar ose e apostiluar)
- Mandat pagesa
|
|
FAZAT E APLIKIMIT
|
është i rregullt-qytetari merr njoftimin në email mbi statusin “Pranuar”, udhëzimet mbi dokumentacionin, numrin e llogarisë për pagesën e tarifës së shërbimit
ka parregullsi-qytetari merr njoftimin për plotësimin e dokumenteve apo të të dhënave sipas udhëzimeve brenda 10 ditëve
nuk përmbush asnjë kriter, të nevojshëm për shërbimin e kërkuar aplikimi “Refuzohet” |
|
FAZA I-II
|
I-TARIFA E SHËRBIMIT
|
II– VLEFËSHMËRIA DOKUMENTIT
|
|
|
30-euro ose tarifa e barazvlefshme me monedhën vendase
|
6 muaj- Pranohen dokumente të lëshuara, jo më shumë se 6 muajt e fundit, nga data e aplikimit
|
|
FAZA III-IV
|
III-MARRJA E SHËRBIMIT
|
IV-KOHËZGJATJA SHËRBIMIT
|
|
|
Me paraqitje fizike ose me postë
Pas kryerjes së pagesës duhet të dërgoni me postë të parapaguar në adresën e Ambasadës/Konsullatës mandatin origjinal (jo fotokopje) ose mund të paraqiteni personalisht
|
10-30 ditë
Qytetari ka 20 ditë (kalendarike) kohë për tu paraqitur me dokumentacionin origjinal në Ambasadë/Konsullatë ose paraqitjes fizike
|
|
UDHËZIME
|
- Të gjitha dokumentet pranohen origjinale, kur janë në harmoni të plotë me njëri tjetrin, pa gabime e pa korrigjime. Dokumentet e marra nga në shtetin tjetër, duhet të jenë të legalizuar apo apostiluara, dhe të përkthyera në gjuhën shqip dhe të noterizuara. Vërtetimi ose çertifikimi i tyre i përkthimit nga një noter shqiptar ose në Ambasadë/Konsullatë
- Dokumentet e lëshuara nga shteti i huaj, i premtimit të shtetësisë, vërtetimi i banimit/qëndrimit ose çdo dokument tjetër i lëshuar nga shteti tjetër, kanë vlefshmëri jo më shumë se 2 vitet e fundit.
- Të gjithë dokumentet që lëshohen nga institucionet e Republikës së Shqipërisë nuk kanë nevojë për legalizim apo apostilim
- Për aplikuesit e martuar, në dokumentet e lëshuara nga zyrat e gjykatës, prokurorisë, përmbarimit, dhe ato të gjendjes gjyqësore, duhet të figurojnë të dy mbiemrat, nëse aplikuesi/ja e ka marrë edhe mbiemrin e bashkëshortit/es.
- Në rast të ndryshimit të gjeneraliteteve për personat që kanë hequr dorë nga shtetësia dhe kanë fituar shtetësi tjetër, të paraqitet një dokument zyrtar i cili vërteton ndryshimin e gjeneraliteteve në shtetin e shtetësisë së huaj, i legalizuar/apostiluar, përkthyer dhe noterizuar.
- Certifikatat dhe dëshmia e penalitetit do të pranohen të printuara nga e-Albania me vulë dixhitale nga llogaria e qytetarit ose të printuara dhe të firmosura nga konsulli në Misionet Diplomatike apo Postet Konsullore të R.Sh-së
- Aplikimet për shtetësinë shqiptare janë individuale, veç atyre të shtetasve minorenë, për të cilët shprehen
prindërit e tyre
- Mandatpagesa duhet të përmbajë emrin, mbiemrin e aplikuesit, kodin e aplikimit dhe emrin e shërbimit.
|
|
PROCEDURA E INSTITUCIONEVE
|
- Ambasada/Konsullata duhet të depozitojë proces verbalin dhe dosjen e dokumenteve të aplikimit brenda 1 muaji nga data e dorëzimit, pranë MEPJ, e cila përcjell dosjen brenda 15 ditësh në Ministrinë e Brendshme.
- Me paraqitjen e kërkesës dhe të dokumentacionit shoqërues, Ministria e Brendshme brenda 6 (gjashtë) muajve shqyrton dokumentacionin e paraqitur, me qëllim verifikimin e plotësimit të kushteve të përcaktuara në ligjin e shtetësisë dhe i përcjell Presidentit të Republikës propozimin për nxjerrjen e dekretit.
Në rast se dokumentacioni nuk është i plotë, ministria e brendshme brenda 45 (dyzet e pesë) ditëve kthen dosjen në MEPJ, dhe kjo e fundit Ambasadës apo Konsullatës për të njoftuar personin e interesuar brenda një afati 15-ditor.
Në rast se dokumentaconi është i plotë dhe rregullt Presidenti i Republikës brenda 60 (gjashtëdhjetë) ditëve nga paraqitja e propozimit nga ministria e brendshme nxjerr dekretin përkatës dhe ia komunikon personit që ka paraqitur kërkesën, në përputhje me parashikimet e Kodit të Procedurave Administrative.
- Kopje e dekretit për lënien e shtetësisë shqiptare i dërgohet edhe Ministrisë së Brendshme për të kryer veprimet e nevojshme administrative në përputhje me legjislacionin në fuqi për gjendjen civile.
- Dekreti botohet në Fletoren zyrtare.
|
|
APLIKIM
|
PËR TË VIJUAR ME APLIKIMIN NË e-albania KLIKO KETU
|
|
|
|
|
