GRETA ANDONI

Greta Andoni

Mban pozicionin e Këshilltares së Ministrit për Evropën dhe Punët e Jashtme që prej muajit Janar 2024.

Znj. Andoni është diplomuar në Gjuhën Gjermane nga Universiteti i Tiranës (2006–2009), duke u profilizuar në përkthim dhe komunikim ndërkulturor. Ajo ka kryer Master pasuniversitar në në degën Gjuhësi, Kulturë dhe Përkthim duke u fokusuar tek politikat e migracionit në Universitetin Johannes Gutenberg, Mainz, Gjermani (2010–2013) nga ku është diplomuar me maksimumin e pikëve.

Me një sfond të pasur në përkthimet/interpretimet simultane dhe konsekutive sikurse dhe edukimin gjuhësor, ajo ka ndjekur disa trajnime profesionale në  këtë fushë duke u angazhuar më pas si përkthyese në disa projekte të BE-së e duke numëruar një sërë angazhimesh si përkthyese zyrtare e delegacioneve qeveritare.

Ka  përfunduar trajnimin njëvjecar në Kolegjin Theodor-Heuss të Fondacionit Robert Bosch, Berlin,  ku  është fokusuar në planifikimin, organizimin dhe zbatimin e projekteve vullnetare me fokus vendet në zhvillim.

Gjatë viteve 2012–2014 ka punuar në koorporatën SAP AG Walldorf, Gjermani duke qenë pjesë e stafit të redaktorëve teknik, në mbështetje të projektit të migrimit të të dhënave dhe redaktimin e dokumentacionit.

Ka qenë e angazhuar si lektore (2014-2017) në Katedrën e Gjermanishtes, Fakulteti i Gjuhëve të Huaja dhe në Qendrën Goethe në Tiranë, ku ka shërbyer edhe si anëtare e komisionit të provimit për certifikatat Goethe.

Gjatë viteve 2017– 2023 ka mbajtur pozicionin e përkthyeses zyrtare pranë Ambasadës Austriake në Tiranë, duke u angazhuar midis të tjerash në raportime si edhe çështjet konsullore.

Ajo ka qenë pjësë e grupit të punës dhe është angazhuar në një sërë projektesh te Agjencisë Austriake për Edukim dhe Ndërkombëtarizim OeAD që synojnë përmirësimin e edukimit dhe formimit profesional në Shqipëri duke përfshirë: Projektin Rajonal të Arsimit për Sipërmarrjen; Integrimit gjinor; AL- Tour, AL VET etj.

Zonja Andoni zotëron gjuhët: gjermane, angleze, italiane si edhe ka njohuri të gjuhës greke.