Presidenca e Shqipërisë në BSEC

Procesi i Bashkëpunimit në Detin e Zi (1 janar 2024 – 30 qershor 2024). Kryesimi i Shqipërisë do ta çojë bashkëpunimin në një terren më të qëndrueshëm ekonomik dhe social. Shqipëria do të punojë në mënyrë gjithëpërfshirëse së bashku me shtetet anëtare të BSEC, në mënyrë që të arrijmë rezultate të rëndësishme për sfidat tona të përbashkëta, përmes masave të përbashkëta, të koordinuara dhe gjithëpërfshirëse. Prioritetet e presidencës shqiptare të BSEC përfshijnë: Forcimin e efikasitetit dhe efektivitetit të Organizatës; Lehtësimi i dialogut dypalësh, rajonal dhe ndër rajonal; Ndërveprimi i mëtejshëm ndërmjet BSEC-BE; Forcimi i bashkëpunimit ekonomik, transporti dhe energjia; Forcimi i bashkëpunimit turistik dhe kulturor; Forcimi i marrëdhënieve të jashtme të Sekretariatit të BSEC.

Motoja dhe Prioritetet e Kryesisë së Kryesisë së Shqipërisë në BSEC

Motoja e Kryesisë së Shqipërisë “Të bashkohemi për një bashkëpunim paqësor në zonën e BSEC”.

Ne do të promovojmë bashkëpunimin ndërmjet shteteve anëtare për gjetjen e zgjidhjeve të përbashkëta për çështje të vështira dhe adresimin unanimisht të gamës së gjerë të çështjeve ekonomike dhe sociale. Ne gjithashtu do të promovojmë ndërveprimin BSEC-BE, duke thelluar përpjekjet tona të përbashkëta për rezultate më të mira në fushën e transportit, ekonomisë, turizmit, trashëgimisë kulturore, ndërveprimit BSEC-BE etj.

Kryesimi i Shqipërisë do ta çojë bashkëpunimin në një terren më të qëndrueshëm ekonomik dhe social. Ne do të punojmë në mënyrë gjithëpërfshirëse së bashku me shtetet anëtare të BSEC, në mënyrë që të arrijmë rezultate të rëndësishme për sfidat tona të përbashkëta, përmes masave të përbashkëta, të koordinuara dhe gjithëpërfshirëse.

Ne besojmë plotësisht se BSEC do të vazhdojë të nxisë marrëdhëniet e fqinjësisë së mirë dhe bashkëpunimin e përgjithshëm midis shteteve anëtare. Duke pasur parasysh që zona e gjerë e Detit të Zi ka një rëndësi në rritje politike dhe ekonomike për BE-në, C-i-O Shqiptar synon të rrisë bashkëpunimin dhe sinergjinë midis dy subjekteve duke e ushqyer atë në një qasje dinamike dhe të orientuar drejt projekteve.

Duke qenë të bindur se diversiteti kulturor dhe turistik i Rajonit të BSEC përfaqëson një aset kyç për rritjen e dialogut politik në zonën e gjerë të Detit të Zi, C-i-O Shqiptar i BSEC synon të kontribuojë në zhvillimin dhe forcimin e bashkëpunimit kulturor dhe turistik në këtë drejtim.

Prioritetet

– Forcimi i efikasitetit dhe efektivitetit të Organizatës

Shqipëria synon të rrisë profilin dhe rëndësinë e Organizatës për Shtetet Anëtare të saj, duke siguruar që objektivat parësorë të ndjekur do të jenë përmirësimi i vazhdueshëm i efikasitetit dhe efektivitetit të Organizatës.

– Lehtësimi i dialogut dypalësh, rajonal dhe ndër rajonal

Gjatë C-i-O të BSEC, Shqipëria do të përpiqet të krijojë një bashkëpunim më të orientuar drejt rezultateve duke ndërtuar besim, duke inkurajuar dialogun dypalësh, rajonal dhe ndër rajonal. Shqipëria është e vendosur të përdorë potencialin e madh të Organizatës si një platformë dialogu për të luajtur një rol më pro aktiv, efektiv dhe konstruktiv në promovimin e qëllimit të përbashkët për një rajon paqësor, të qëndrueshëm dhe të begatë të BSEC në interes të të gjithë aktorëve.

– Ndërveprimi i mëtejshëm ndërmjet BSEC-BE

C-i-O Shqiptar synon të rrisë bashkëpunimin dhe sinergjinë midis dy subjekteve duke e ushqyer atë në një qasje dinamike dhe të orientuar drejt projektit. Kështu, Shqipëria synon të zhvillojë një marrëdhënie të ekuilibruar, reciprokisht të dobishme dhe të orientuar drejt rezultateve midis BSEC dhe BE-së, me fokus në procesin e integrimit evropian të vendeve anëtare të BSEC që aderojnë për t’u anëtarësuar në BE.

– Forcimi i bashkëpunimit ekonomik, transportues dhe energjetik

Kryesia shqiptare do të mbështesë bashkëpunimin dhe zhvillimin ekonomik shumëpalësh nëpërmjet përpjekjeve të përbashkëta, dialogut dhe fqinjësisë së mirë brenda kuadrit të BSEC. Shqipëria synon të ndjekë zhvillimin e qëndrueshëm duke siguruar ekuilibrin racional midis rritjes ekonomike, përgjegjësisë sociale dhe mbrojtjes së mjedisit, me synimin për të forcuar më tej bashkëpunimin ekonomik në rajon. Përsa i përket bashkëpunimit të transportit dhe energjisë, Kryesia Shqiptare synon të thellojë përpjekjet e vazhdueshme për modernizimin e infrastrukturës energjetike, thjeshtimin e metodave të transportit të mallrave, zbatimin e sistemeve inteligjente të transportit etj.

– Forcimi i bashkëpunimit turistik dhe kulturor

Turizmi është një sektor shumë i rëndësishëm me një peshë të madhe si në aspektin e parave ashtu edhe në atë të punësimit. Prandaj, C-i-O Shqiptare do të përqendrojë përpjekjet e saj në promovimin e të gjithë rajonit të BSEC si një nga destinacionet kryesore turistike përmes ekspozitave të përbashkëta ndërkombëtare turistike, paketave të reja turistike etj.

Duke qenë të bindur se diversiteti kulturor i rajonit të BSEC përfaqëson një aset kyç për rritjen e dialogut politik në zonën e Detit të Zi, Kryesia Shqiptare synon të kontribuojë në forcimin e bashkëpunimit dhe dialogut kulturor me qëllim promovimin e diversitetit kulturor dhe trashëgimisë kulturore të vendeve anëtare të BSEC.

– Forcimi i marrëdhënieve të jashtme të Sekretariatit të BSEC

Gjatë kryesimit të saj, Shqipëria synon të nxisë bashkëpunimin e frytshëm midis BSEC dhe subjekteve të tjera të jashtme, veçanërisht me OKB-në dhe agjencitë e saj të specializuara. Shqipëria do të synojë gjithashtu zhvillimin e bashkëpunimit të natyrës praktike me organizata dhe institucione financiare të tjera ndërkombëtare dhe rajonale si Banka Botërore, OBT dhe FAO.