Ministri për Evropën dhe Punët e Jashtme, Ferit Hoxha, është takuar me homologen suedeze Maria Stenergard, në kuadër të takimit të Këshillit të Punëve të Jashtme të BE-së (FAC)

🔹Ministri për Evropën dhe Punët e Jashtme, Ferit Hoxha, postim në X:

Ishte kënaqësi të takoja homologen time suedeze, Maria Stenergard, në kuadër të takimit të Këshillit të Punëve të Jashtme të BE-së (FAC).

Rikonfirmuam edhe një herë marrëdhëniet e shkëlqyera ndërmjet #Shqipërisë dhe #Suedisë edhe në cilësinë tonë si aleatë në #NATO, si dhe shkëmbyem pikëpamje mbi prioritetet e përbashkëta, përfshirë zgjerimin e #BE-së, sigurinë rajonale, bashkëpunimin euro-atlantik dhe mënyrat për të forcuar e thelluar më tej partneritetin tonë dypalësh.

Shpreha vlerësimin e thellë të Shqipërisë për mbështetjen afatgjatë të Suedisë, përfshirë përmes Agjencisë Suedeze për Bashkëpunim Ndërkombëtar për Zhvillim (SIDA), si dhe për përkrahjen e saj parimore dhe të qëndrueshme ndaj rrugëtimit të Shqipërisë drejt anëtarësimit në #BE. Suedia mbetet një partner shumë i çmuar në mbështetje të agjendës sonë të reformave, shtetit të së drejtës, konsolidimit demokratik dhe së ardhmes sonë evropiane.

Diskutuam gjithashtu rëndësinë e bashkëpunimit më të ngushtë për përballimin e sfidave të përbashkëta, forcimin e qëndrueshmërisë, promovimin e zhvillimit të qëndrueshëm dhe avancimin e stabilitetit dhe prosperitetit në gjithë #BallkaninPerëndimor.

Në pritje të takimit ministror të #NATO-s, që do të zhvillohet më 21–22 maj në #Helsingborg, rikonfirmuam rëndësinë e ruajtjes së mbështetjes sonë të palëkundur për #Ukrainën dhe kauzën e saj të drejtë, duke vijuar njëkohësisht të punojmë së bashku për një #Evropë më të fortë, më të sigurt dhe më të bashkuar.

#StrongerTogether

#Horizon2030

Link: https://x.com/hoxhafer/status/2053802194944524617?s=46