THIRRJE/FTESË për aplikim për të rinjtë shqiptarë të grup-moshës nga 18-30 VJEÇ, të cilët janë duke ndjekur studimet universitare (Bachelor/Master) ose janë të diplomuar në një prej fushave: Marrëdhënie Ndërkombëtare, Drejtësi, Ekonomi, Shkenca Politike, Gazetari dhe Gjuhësi.

Mundësi shumë e mirë për:

• praktikë mësimore dhe/ose profesionale;
• përfshirje në veprimtari të ndryshme të MEPJ;
• njohje nga afër të fushës së diplomacisë dhe funksionimit të institucionit;
• pajisje me certifikatë pjesëmarrjeje të lëshuar nga MEPJ në përfundim të programit etj.

Të interesuarit duhet të dërgojnë dokumentacionin e mëposhtëm, jo më vonë se data 17 PRILL 2025, në adresën e e-mail akademia.diplomatike@mfa.gov.al:

• Jetëshkrim (CV);
• Letër motivimi për ndjekjen e praktikës;
• Vërtetim studenti ose diplomë universitare.

Aplikantët e përzgjedhur do të njoftohen me postë elektronike për procedurat pasuese.

Suksese!